काठमाडौं । राष्ट्रिय स्वतन्त्र पार्टी (रास्वपा) का मुख्य सचेतक कबिन्द्र बुर्लाकोटीले संघीयताप्रति प्रतिबद्ध रहेको भन्दै पूर्ण पालना गरेर जाने बताएका छन् ।

शुक्रबार ‘संघीयता: संविधान संसोधन र कार्यविस्तृतीकरण’ विषयक अन्तरक्रिया कार्यक्रमलाई सम्बोधन गर्दै उनले यस्तो बताएका हुन् ।

‘संविधान, लोकतन्त्र र सङ्घीयता प्रति हामी पूर्ण प्रतिबद्ध छौ । लोकतन्त्रप्रतिको प्रश्नहरू र सङ्घीयताप्रति हाम्रो कुनै सम्झौता छैन। हामी पूर्ण पालना गरेर जान्छौँ,’ उनले भने ।

फेडरलिजम एन्ड लोकलैजेसन सेन्टरले आयोजना गरेको अन्तर्कृया कार्यक्रमलाई सम्बोधन गर्दै बुर्लाकोटीले संविधान संसोधनको विषय  समयअनुसार हुन सक्ने पनि बताए ।