प्रधानमन्त्री वालेन्द्र शाह (बालेन) सद्‌भाव कायम राख्न अपिल गरेका छन्। आज (बिहीबार) राष्ट्रका नाममा सम्बोधन गर्दै संयमता अपनाउँदै आपसी एकता भाइचारा कायम राख्न अनुरोध गरेका हुन्।

उनले नेपाली र मैथिली भाषामा सम्बोधन गरेका थिए। प्रधानमन्त्री बालेनले ४ मिनेट २८ सेकेन्ड सम्बोधन गरेका थिए।

‘हाम्रो इतिहास साक्षी छ, कठिनभन्दा कठिन र अप्ठ्यारो परिस्थितिमा पनि आपसी एकता, सहिष्णुता र विवेक नै हाम्रो सबैभन्दा ठूलो शक्ति बनेका छन्,’ बालेनले भने, ‘हामी सबैले जिम्मेवार नागरिकको भूमिका निर्वाह गर्दै यो सुन्दर र शान्त नेपाली आकासमा मडारिएको अशान्तिको बादल हटाउनु पर्नेछ।’

यस्तै उनले घटनाको निष्पक्ष छानबिन गर्ने र दोषीमाथि कडा कारबाही गर्ने पनि प्रतिबद्धता जनाएका छन्।