काठमाडौँ । कलाकार दीपकराज गिरीले मुलुकको वर्तमान राजनीतिक परिवर्तन र संसदमा देखिएको समावेशी प्रतिनिधित्वको मुख्य श्रेय माओवादी जनयुद्धलाई जाने बताएका छन् । उनले सामाजिक सञ्जालमा एक पोष्ट गर्दै यस्तो धारणा राखेका हुन् ।

उनी लेख्छन्–  ‘आजको यो परिवर्तन । संसदमा यत्रा महिलाहरू दलित, उत्पीडित वर्गको प्रतिनिधित्व । यसको श्रेयचाहिँ माओवादी जनयुद्धलाई नै जान्छ ।’

इतिहासलाई सम्मान नगरे वर्तमान पनि कमजोर हुने तक गर्दै  गिरी अगाडि लेख्छन्–  ‘इतिहासलाई सम्मान नगरे त वर्तमान पनि कमजोर हुन्छ । शुभ प्रभात ।’

पछिल्लो समय नेपालको संसदीय राजनीतिमा महिला, दलित, जनजाति र पिछडिएका वर्गको उपस्थिति अनिवार्य र बाक्लो बन्दै गएको छ । यो उपलब्धिमा विभिन्न राजनीतिक आन्दोलनहरूको भूमिका रहे पनि कलाकार गिरीले विशेष गरी माओवादीले सुरु गरेको १० वर्षे जनयुद्धले नै यसको जग बसालेको भन्दै प्रशंसा गरेका हुन् । 

उनको यो धारणा सार्वजनिक भएपछि सामाजिक सञ्जालमा थुप्रैले प्रतिक्रिया जनाएका छन् ।