सोसल मिडिया
हाम्रो बारेमा
गोपनीयता नीति
प्रयोगका सर्त
हाल देशभर मनसुनी वायुको प्रभाव छ भने बागमती र गण्डकी प्रदेशका केही स्थान तथा लुम्बिनी, कर्णाली र सुदूरपश्चिम प्रदेशका थोरै स्थानमा तथा कोसी प्रदेशको पहाडी भूभागका एक-दुई स्थानमा मेघगर्जन/चट्याङसहित मध्यमसम्म वर्षा भइरहेको मौसम पूर्वानुमान महाशाखाले जनाएको छ।
हिजो असार १६ गतेदेखि मनसुन देशभर फैलिएको छ। सोही कारण बादल लाग्ने र वर्षा हुने क्रम बढेको छ।
यसै क्रममा आज दिउँसो देशभरको आकाशमा अधिकांश बादल लाग्नेछ। देशका हिमाली र पहाडी भूभागका केही स्थानमा मेघगर्जन/चट्याङसहित मध्यमसम्म वर्षा/हिमपातको सम्भावना छ। कोसी, बागमती, गण्डकी, लुम्बिनी र सुदूरपश्चिम प्रदेशका तराई भूभागका थोरै स्थानमा र मधेस प्रदेशका एक-दुई स्थानमा मेघगर्जन/चट्याङसहित मध्यमसम्म वर्षाको सम्भावना छ। कोसी, बागमती, गण्डकी, लुम्बिनी र सुदूरपश्चिम प्रदेशका पहाडी भूभागका एक-दुई स्थानमा भारी वर्षाको पनि सम्भावना छ।
यस्तै राति देशभर अधिकांश आकाश बादलले ढाक्नेछ। अनि हिमाली भूभागका थोरै स्थानमा हल्का वर्षा/हिमपातको सम्भावना छ। देशको पहाडी भूभागका केही स्थान तथा कोसी, बागमती, गण्डकी, लुम्बिनी र सुदूरपश्चिम प्रदेशको तराई भूभागका थोरै स्थान र मधेस प्रदेशका एक-दुई स्थानमा मेघगर्जन/चट्याङसहित मध्यमसम्म वर्षाको सम्भावना छ। कोसी, बागमती र गण्डकी प्रदेशका पहाडी भूभागका एक-दुई स्थानमा भारी वर्षाको पनि सम्भावना छ।
काठमाडौँमा थप वर्षाको सम्भावना
काठमाडौँ उपत्यकामा गएरातिदेखि नै वर्षा हुने क्रम जारी छ।
अहिले भने केही कम हुँदै गएको मौसम पूर्वानुमान महाशाखाका मौसमविद् रोजन लामिछानेले जानकारी दिए।
गएरातिदेखि बिहानसम्म काठमाडौँ उपत्यकाका अधिकांश स्थानमा पानी परेको उनले बताए।
‘आज काठमाडौँ उपत्यकामा मौसम केही बेर खुलेजस्तो भए पनि फेरि बादल लाग्ने र वर्षा हुने क्रम जारी रहने देखिन्छ’, मौसमविद् लामिछानेले नेपालखबरसँग भने, ‘विशेषगरी अपराह्न वा साँझपख हल्कादेखि मध्यमसम्म वर्षा हुने सम्भावना छ।’
