सोसल मिडिया
हाम्रो बारेमा
गोपनीयता नीति
प्रयोगका सर्त
जाजरकाेट । "सुन्दर, शान्त र समृद्ध ठाउँ कुशे गाउँपालिकाको शानःविकासका पुर्वाधार निर्माण गर्ने हाम्रो अभियान" भनाई सहित कुशे गाउँपालिकाले नीति तथा कार्यक्रम प्रस्तुत गरेको छ । गाउँपालिकाले आर्थिक बर्षको नीति तथा कार्यक्रम मार्फत शैक्षिक क्षेत्रमा समावेशी, प्रविधिमैत्री र व्यावहारिक योजना सार्वजनिक गरेको छ। गाउँपालिकाका अध्यक्ष हरिचन्द्र बस्नेतले आ.व. २०८२/०८३ काे नीति तथा कार्यक्रम प्रस्तुत गर्दै समावेशी शिक्षाको प्रवर्द्धन, शिक्षक तथा विद्यार्थी क्षमता विकास, डिजिटल शिक्षाको प्रयोग र शिक्षा प्रणालीमा दीर्घकालीन सुधारका लागि दूरदृष्टियुक्त कार्यक्रम घोषणा गरेका छन्।
नीति तथा कार्यक्रमकाे (पूर्णपाठ)
यस गरिमामय सभाका सदस्य ज्यूहरु,
नेपाली जनताले पटक-पटक गरेको लामो सङ्घर्ष र बलिदानको उपलब्धी स्वरूप जारी भएको नेपालको संविधान बमोजिम गठित कुशे गाउँपालिकाका जनताको प्रतिनिधिमूलक यस गरिमामय सभामा निर्वाचित भएपश्चात् नौ पटक कुशे गाउँपालिकाको आर्थिक वर्ष २०८२/०८३ को नीति तथा कार्यक्रम प्रस्तुत गर्न गइरहेको छु । वार्षिक नीति तथा कार्यक्रम तर्जुमाका क्रममा गाउँपालिकालाइ विभिन्न सुझाव दिनुहुने सम्पुर्ण आमा, बुवा, दाजु भाई तथा दिदी बहिनीहरु लगायत सरोकारवालाहरूलाई हार्दिक आभार सहित हामी सबैको तर्फबाट धन्यवाद व्यक्त गर्दछौ। यस अवसरमा नेपालको प्रजातान्त्रिक आन्दोलन, राजनीतिक अग्रगमन र लोकतन्त्रको सशक्तीकरणको क्रममा भएका ऐतिहासिक आन्दोलनहरुमा आफ्नो जीवन उत्सर्ग गर्नु हुने सम्पूर्ण शहिदहरु प्रति भावपूर्ण श्रद्धाञ्जली अर्पण गर्दै उच्च सम्मान व्यक्त गर्दछु ।सुन्दर, समुन्नत र समृद्ध गाउँपालिका निर्माण गर्ने हाम्रो संकल्प, समस्त गाउँपालिका नागरिकको समृद्धिको चाहाना र हामीले निर्वाचनका क्रममा हाम्रा मतदाताहरु प्रति अभिव्यक्त गरेका प्रतिज्ञाहरु पुरा गर्ने दिशामा हामीले आगामी आ. व. २०८२/८३ को नीति तथा कार्यक्रम मार्फत समेट्ने प्रयास गरेका छौं। यसका लागि दीगो विकासको राष्ट्रिय लक्ष्यहरुको स्थानीयकरण गर्दै दिगो र गुणस्तरीय पूर्वाधार निर्माण सहित स्थानीय स्रोतको पहिचान र परिचालन गरी समावेशी, जलवायु उत्थानशील तथा दिगो स्थानीय आर्थिक विकास मार्फत समृद्ध गाउँपालिका र सुखी जनताको लक्ष्य हासील गर्न सार्वजनिक, निजी क्षेत्र र समुदायको साझेदारीता मार्फत विकास गर्न आवश्यक छ । हामी सामु सिमित स्रोत साधनका बाबजुत गाउँपालिका जनताका विकासका असिमित आवश्यकता र चाहानाहरु परिपूर्ति गर्न स्रोतको विवेक सम्मत तथा समुचित प्रयोग मार्फत प्राप्त उपलब्धीको न्यायोचित वितरण, आर्थिक असमानताको अन्त्य, गरिवी न्यूनिकरण, शोषणरहित, सभ्य र समतामुलक समाज निर्माण गर्ने हाम्रो साझा संकल्प रहेको छ ।
नीति तथा कार्यक्रम तर्जुमाका आधारहरुः
नेपालको संविधानमा स्थानीय शासन सम्बन्धी उल्लेख भएको नितीगत व्यवस्था, स्थानीय सरकार संचालन ऐन २०७४ स्थानीय तहको योजना तर्जुमा दिगदर्शन २०७८, १६ औ आवधिक योजनाका मुलभुत पक्षहरु अर्थमन्त्रालयको मार्गदर्शन तथा प्रथम गाउँ विकास आवधिक योजना अनुसार विभन्न चरणको सहभागितामुलक प्रक्रियाबाट यस गाउँपालिकाको आर्थिक वर्ष २०८२।०८३ को वार्षिक नीति तथा कार्यक्रम तयार गरिएको छ ।आम कुशे बासि नागरिकहरुको साथ सहयोग सुझाव दिइ उहाँहरुको सहभागिता एवम् परिचालनको क्षेत्रमा गाउँपालिकाले कायम गरेको इतिहासलाई अक्षुण्ण राख्दै शासकीय प्रबन्ध लाई जवाफदेहिता, पारदर्शिता, गुणस्तरीयता एवम् स्वच्छतायुक्त जनसहभागिता कायम गर्दै गाउँपालिकाको सिमित जनशक्ति बाट छिटो ,छरितो, चुस्तदुरुस्त तरिकाले प्रशासनिक तथा चालु खर्चलाई मितव्ययी बनाइ सेवाप्रवाहलाई प्रभावकारी तथा विकेन्द्रित तुल्याउदै पुँजिगत खर्च बढाउने नीति लाई निरन्तरता दिई संघ तथा प्रदेश सरकारबाट प्राप्त अनुदान तथा वित्तीय हस्तान्तरणको उच्चत्तम र प्रभावकारी एवम् दिगो उपयोग गर्दै वित्तीय आत्मनिरता कायम गरिने कुरालाई समेत आधारको रुपमा लिएको छ।
सभाका सदस्यज्यूहरू
"सुन्दर, शान्त र समृद्ध ठाउँ कुशे गाउँपालिकाको शानःविकासका पुर्वाधार निर्माण गर्ने हाम्रो अभियान" को दीर्घकालीन सोच हासिल गर्ने अभियानमा कुशे गाउँपालिका र अन्तर्गतको समग्र टिम क्रियाशील छ। आवधिक योजना, परियोजना बैङ्क, CD Plan, O&M र मध्यमकालीन खर्च संरचना निर्माण गरी योजनाले लिएका लक्ष्य, उद्देश्य, प्राथमिकता तथा रणनीतिहरू कार्यान्वयन गर्दै गरिबी निवारण र आर्थिक समृद्धि र सामाजिक रुपान्तरणसहितको समानुपातिक समावेशी विकास हासिल गर्ने दिशातर्फ आगामी कार्यक्रमहरू केन्द्रित हुनेछन् । सामाजिक न्याय, सुशासन र समृद्धिसँगै शिक्षा, स्वास्थ्य, उत्पादन र रोजगारी, मानव संसाधन विकास र नागरिक शिक्षाको प्रद्बर्धनलाई गाउँपालिकाले प्राथमिकता दिएको छ।
नेपालको संविधान २०७२ मा उल्लेखित मौलिक हक, राज्यको निर्देशक सिद्धान्त तथा नीतिहरू, नेपाल सरकारको सोह्रौं आवधिक योजना, दीगो विकास लक्ष्य, यस गाउँपालिकाको आवधिक योजना र गाउँपालिकाले निर्माण गरेका ऐन तथा कार्यविधि र आम नागरिकका भावना समेतलाइ आत्मसात गरी कुशे गाउँपालिकाको आर्थिक वर्ष २०८२/०८३ को नीति तथा कार्यक्रम प्रस्तुत गर्न चाहन्छु ।
यस सभाका सदस्यज्यूहरू, म यस सभा समक्ष आर्थिक वर्ष २०८२/०८३ को विषयगत रुपमा नीति तथा कार्यक्रम प्रस्तुत गर्ने अनुमति चाहान्छु ।
आर्थिक विकास
सामाजिक विकास
सभाका सदस्यहरू,
पूर्वाधार विकास
सभाका सदस्यज्यूहरू,
वन, वातावरण तथा विपद् व्यवस्थापन
सुशासन तथा संस्थागत विकास
अन्त्यमा, यो नीति तथा कार्यक्रममा महत्वपूर्ण सल्लाह, सुझाव र परामर्श दिएर सहयोग गर्नुहुने अग्रज व्यक्तित्वहरू, गाउँ कार्यपालिका र गाउँ सभाका सदस्यहरू, सबै राजनीतिक दल एवम् भातृसङ्गठनका प्रतिनिधिहरू, राष्ट्रसेवक कर्मचारीहरू, शिक्षक, वुद्धिजीविहरू, सुरक्षाकर्मी, निजी क्षेत्र, नागरिक समाज, सञ्चारकर्मी लगायत सबैमा हार्दिक आभारसहित धन्यवाद व्यक्त गर्दछु। धन्यवाद १
हरिचन्द्र बस्नेत गाउँपालिका अध्यक्ष
